Berriak

3 eguneko jardunaldia Jesusen Lagundiko hezkuntza sarea indartzeko

2017 / 07 / 06

deustocentenario

Uztailaren 12an Amaia Arzamendik, Jesuitak Donostiako zuzendariak, ikastetxeak eraldatzeko bidean lidergoak duen garrantziaz hitz egingo du ikastetxean bizitako esperientzian oinarrituta.

Ikastetxe Jesuiten berrikuntza gai nagusitako bat izango da Educsi-ren 33. Jardunaldietan.

Uztailaren 11, 12 eta 13an Educsiren 33. Jardunaldiak ospatuko dira Bilboko Deustuko Unibertsitatean. Elkargune honetan Espainia eta Portugaleko Jesusen Lagundiko 73 unibertsitate aurreko eta Lanbide Heziketako hezkuntza erakundek hartuko dute parte. Topaketak 3 helburu nagusi izango ditu.

• Ikastetxeen arteko sarea sustatzea.
• Lan egiteko eremuei eta ezagutza partekatzeko espazioei bidea ematea.
• Berrikuntza eta misioaren inguruan hausnartzea.

Jardunaldiari hasiera emateko Antonio España, sj, Aita probintzialak agurra egingo du. Lagundiaren hezkuntza komunitatera zuzentzen den lehenengo aldia izango da uztailaren 8an Aita Probintzial gisa karguaz jabetu ondoren.

Manuel Magdalenok, Zaragozako El Salvador Ikastetxeko zuzendariak, izango du Educsi Jardunaldietan landuko den lehenengo gaia aurkezteko ardura, astearte goizean, uztailaren 11an. Magdalenok ikastetxe jesuitek duten hezkuntza misioaren testuinguruan berrikuntzak izan behar duen lekua kokatzeko marko proposamena luzatuko du. Egun horretan, arratsaldez, berrikuntza honen baitan irakasleen rola aldatzeko gakoak azalduko dituzte Huelvako SAFA ikastetxeko zuzendaria den Eduardo Vizcaínok eta Colegio Claver de Raimat-eko DBH-ko 2. Zikloko zuzendariak, Minerva Pocelek.

Bigarren egunean, uztailaren 12an hain zuzen ere, saioa Amaia Arzamendik, Jesuitak Donostiako zuzendariak, eta Iván Mirónek, Vigoko Apóstol Ikastetxeko zuzendariak eskainiko dute. Tarte honetan Jesusen Lagundiko Ikastetxeak eraldatzeko lidergoaren inguruan arituko dira. Arratsaldean kultur-ekintzak egiteko eta hiria bisitatzeko denbora izango dute jardunaldira bertaratu direnek, besteak beste, Guggenheim edota Arte Ederretako museoak, Getxoko Zubi Esekia, Bilboko parte zaharra edota paseoa ontzian Bilboko itsasadarrean barrena.

3. egunean, uztailaren 13an, goizean zehar berrikuntza prozesuen kohesioaren inguruan hitz egingo da. Andrés García Indak, Zaragozako El Salvador ikastetxeko zuzendari ohiak dinamizatuko duen espazio honetan ondorengo pertsonek parte hartuko dute: Bilboko Colegio Ntra Señora de Begoñako Lehen Hezkuntzako zuzendaria, Maialen Herran; Madrileko Padre Piquer Trebakuntza Zentruko berrikuntza, hezkuntza eta orientazio zuzendaria, Gregorio Casado; Las Palmas-eko DBHko zuzendaria, Mª Isabel Doreste; eta, Oviedoko San Ignacio Ikastetxeko zuzendaria, Luis Ordóñez.

Elkarrizketa honen ondoren, jardunaldira bertaratu direnek Educsiko zentroetan martxan jarri diren hezkuntza berrikuntzen inguruan esperientziak partekatzeko aukera izango dute, 9 gune pedagogikoetan. Jardunaldien azkeneko hitzaldia Javier Gil Ojedak, Trilema Fundazioko Trebakuntza eta Berrikuntza zuzendariak eskainiko du, ostegun arratsaldean.

33. Jardunaldiak DeustUko Unibertsitateko klaustroan eskainiko den itxiera-afariarekin amaituko dira. Educsik antolatzen duen topaketa honek Deustuko Unibertsitatearen, Universidad Pontificia de Comillas-en, SMren eta Loyola Komunikazio taldearen laguntza jasotzen du.

Harpidetu gure buletinera.

Pribatutasun politikako. baldintza legalak onartzen ditut.

Azken albisteak